ಭಾನುವಾರ, ಮಾರ್ಚ್ 22, 2009




ಸೂರ್ಯಾಸ್ತ ನೋಡಿ ಒಮ್ಮೆ ಕೈಲಾಸ ಗುಡ್ಡದಿಂದ...
ಉತ್ತರಕನ್ನಡ ಜಿಲ್ಲೆಯನ್ನು ನಿಸರ್ಗಸೌಂದರ್ಯ ಆರಾಧಾಕರ ಸ್ವರ್ಗ್ಸ ಎಂದೇ ಹೆಳಬಹುದು. ಇಲ್ಲಿ ಹೆಜ್ಜೆ ಹೆಜ್ಜೆಗೊಂದು
ಜಲಪಾತ ಹಾಗೂ ಸಣ್ಣ ಸಣ್ಣ ಗಿರಿಧಾಮಗಳು ಸಿಗುತ್ತವೆ. ಒಂದನ್ನೊಂದು ಮೀರಿಸುವಂತಹ ಸೌಂದ್ರರ್ಯ ಅವುಗಳದು.
ಶಿರಸಿ ತಾಲೂಕಿನ ತಾರಗೋಡ ಸಮೀಪದ ಕೈಲಾಸ ಗುಡ್ಡವೂ ಅಂತಹ ಗಿರಿಧಾಮಗಳಲ್ಲಿ ಒಂದು.
ಈ ಗುಡ್ಡದ ಮೇಲಿರುವ ಒಂದು ಕಲ್ಲಿನ ಮೇಲೆ ಒಂದು ಶಿವಲಿಂಗದ ಕೆತ್ತನೆಯಿದೆ. ಹಾಗಾಗಿ ಈ ಗುಡ್ಡಕ್ಕೆ ಕೈಲಾ
ಸ ಗುಡ್ಡ ಎಂದು ಹೆಸರು. ಅನಾದಿ ಕಾಲದಲ್ಲಿ ಯಾರೋ ಅನಾಮಿಕ ಕೆತ್ತಿದ ಶಿವಲಿಂಗವಿದು. ಈ ಶಿವನ ಪಕ್ಕದಲ್ಲೇ ಬಾ
ವಿಯ ಕುರುಹೂ ಇದೆ. ಈ ಶಿವನಿಗೆ ನಿತ್ಯ ಪೂಜೆ ಇಲ್ಲವಾದರೂ ಶಿವರಾತ್ರಿಯಂದು ಸ್ಥಳೀಯರು ಇಲ್ಲಿ ಪೂಜೆ ಸಲ್ಲಿಸು
ತ್ತಾರೆ. ಆ ದಿನ ತಕ್ಕ ಮಟ್ಟಿಗೆ ಪ್ರವಾಸಿಗರೂ ಕೈಲಾಸ ಗುಡ್ಡಕ್ಕೆ ಬಂದು ಶಿವನ ದರ್ಶನ ಪಡೆಯುತ್ತಾರೆ. ಈ ಶಿವಲಿಂಗ
ಕ್ಕೆ ಬಿಸಿಲು, ಗಾಳಿ, ಮಳೆಯಿಂದ ರಕ್ಷಣೆಯಿಲ್ಲವಾದರಿಂದ ಶಿಥಿಲಾವಸ್ಥೆಯಲ್ಲಿದೆ.


ಕೈಲಾಸ ಗುಡ್ಡ ಸಮುದ್ರ ಮಟ್ಟದಿಂದ 674 ಮೀಟರ್ ಎತ್ತರದಲ್ಲಿದೆ. ಇಲ್ಲಿಂದ ಸುತ್ತಲಿನ ಬೆಟ್ಟ ಗುಡ್ಡ, ಕಾಡು ಹಾ
ಗೂ ಅಡಿಕೆ ತೋಟ ಮನಮೋಹಕವಾಗಿ ಕಾಣಿಸುತ್ತದೆ. ಇಲ್ಲಿನ ಸೂರ್ಯಾಸ್ತದ ಸವಿಯನ್ನಂತೂ ಬಣ್ಣಿಸಲಸಾಧ್ಯ.
ಸೂರ್ಯಾಸ್ತದ ವೇಳೆ ಗುಡ್ಡದ ತುಂಬೆಲ್ಲಾ ಆವರಿಸುವ ಹೊಂಬೆಳಕು ವಿಶಿಷ್ಟ ಅನುಭವವನ್ನು ನೀಡುತ್ತದೆ.
ಸುತ್ತಲಿನ ದೃಶ್ಯ ಹೂಗೂ ಸೂರ್ಯಾಸ್ತ ವೀಕ್ಷಣೆಗೆ ಅರಣ್ಯ ಇಲಾಖೆಯವರು ವೀಕ್ಷಣಾ ಗೋಪುರ ನಿರ್ಮಿಸಿದ್ದರೂ
ಅದೀಗ ಶಿಥಿಲಾವಸ್ಥೆಯಲ್ಲಿದೆ.

ದೂರವಾಣಿ ಇಲಾಖೆಯ ಮೈಕ್ರೋವೇವ್ ಸ್ಟೇಶನ್ (ಈಗ ಮೊಬೈಲ್ ಸ್ಟೇಶನ್) ಇಲ್ಲಿರುವದರಿಂದ ಗುಡ್ಡದ
ತುದಿಯವರೆಗೂ ವಾಹನ ಹೋಗುವಂತಹ ರಸ್ತೆಯಿದೆ. ಈ ರಸ್ತೆಯಿಂದಾಗಿಯೇ ಕೈಲಾಸ ಗುಡ್ಡದಲ್ಲಿನ ಅತ್ಯಮೂಲ್ಯ
ಬೆಲೆ ಬಾಳುವ ಮರಗಳ ಲೂಟಿಯಾಯಿತೆಂದು ಹೇಲಬಹುದು.
ಶಿರಸಿ ಯಲ್ಲಪುರ ರಸ್ತೆಯಲ್ಲಿನ ಭೈರುಂಬೆಗಿಂತ 1.5 ಕಿ.ಮಿ.ಗೆ ಮೊದಲು ಬರುವ ಕಚ್ಚಾ ರಸ್ತೆಯಲ್ಲಿ ಮೂರು ಕಿ.
ಮಿ. ಸಾಗಿದರೆ ಗುಡ್ಡದ ತುದಿ ತಲುಪಬಹುದು. ಕಾಲ್ನಡಿಗೆಯಲ್ಲಿ ಹೋಗ ಬಯಸುವವರು ತಾರಗೋಡ್ ತುದಿ ಮನೆ
ಮಾರ್ಗ ಅಥವಾ ಗುಡ್ಡದ ಬುಡದಲ್ಲಿರುವ ಕಾಳೀಸರದ ಮಾರ್ಗವಾಗಿ ಚಾರಣದ ಮೂಲಕವೂ ಗುಡ್ಡ ಏರಬಹುದು.
ಮೊಲ, ನವಿಲು, ಕಾಡುಕೋಳಿ ಹಾಗೂ ಒಮ್ಮೊಮ್ಮೆ ಜಿಂಕೆ ಹಿಂಡಿನ ದರ್ಶನವೂ ಕಾಲ್ನಡಿಗೆ ಮಾರ್ಗದಲ್ಲಿ ಆಗುತ್ತ
ದೆ. ಕರುನಾಡಿನ ಅತ್ಯಮೂಲ್ಯ ಶ್ರೀಗಂಧ ಹಾಗೂ ಔಷಧಿ ಸಸ್ಯಗಳು ಇಲ್ಲಿ ಹೇರಳವಾಗಿವೆ. ಆದರೆ ಇಲ್ಲಿನ ಶ್ರೀ ಗಂ
ಧ ಕಳ್ಳರ ಕೊಡಲಿಗೆ ಬಲಿಯಾಗಿ ಗುಡ್ಡ ಬರಿದಾಗುತ್ತಿದೆ. ಶಿರಸಿಗೆ ಬಂದಾಗ ಕೈಲಾಸ ಗುಡ್ಡದ ಸೂರ್ಯಾಸ್ತ ನೋಡ
ಲು ಮುದ್ದಾಂ ಬನ್ನಿ.

1 ಕಾಮೆಂಟ್‌:

  1. ಹಾ. ಉತ್ತರಕನ್ನಡ ಒಂದು ರೀತಿ ಪ್ರಕೃತಿಗೆ ಯಾರ ದೃಷ್ಟಿತಗುಲಬಾರದೆಂದು ಆ ದೇವರು ನಿರ್ಮಿಸಿದ ಒಂದು ಚಿಕ್ಕ ಜಗತ್ತು. ಒಳ್ಳೆಯ ವಿವರ.. ಇನ್ನೂ ಕೆಲವು ಫೋಟೊಗಳನ್ನು ನೀಡಿದ್ದರೆ ಒಳ್ಳೆಯದಾಗಿತ್ತು.

    ಪ್ರತ್ಯುತ್ತರಅಳಿಸಿ